Այսօր թվային տեխնոլոգիաների միջոցով գեղարվեստական տպագրության նմուշ ստեղծելը դյուրին գործընթաց է, մինչդեռ դասական եղանակով տպագրական տախտակ (կլիշե) պատրաստելը խրթին է և ժամանակատար: Զարմանալի է, երբ որոշ արվեստագետներ հրաժարվում են թվային տեխնոլոգիաների ընձեռած «հարմարավետությունից» և նախընտրում են աշխատատար, վտանգավոր թթուների, թունավոր լուծիչների, յուղային հիմքով տպագրական ներկերի կիրառմամբ ավանդական եղանակները: Թերևս, գեղարվեստական տպագրության հմայքն ու էությունը թաքնված են այդ երկարատև և դժվարին գործընթացներում:
«Մշակույթների երկխոսություն»կազմակերպության նախաձեռնությամբ 2021թ.-ի նոյեմբերին Երևանում /Հայաստան/ կմեկնարկի «Գեղարվեստական տպագրության Երրորդ միջազգային բիենալե, Երևան 2021»-ը:
«Գեղարվեստական տպագրության Երրորդ միջազգային բիենալե, Երևան 2021»-ի հիմնական նպատակներն են.
Երևանյան բիենալեն տարածաշրջանում գեղարվեստական տպագրությամբ զբաղվող արվեստագետների համար արդեն իսկ դարձել է միջազգային նոր հարթակ և ոլորտի մասնագետների, ուսանողների, արվեստասեր հանրության ուշադրության և հետաքրքրության մեծ ալիք առաջացրել արվեստի այս ճյուղի նկատմամբ:
«Գեղարվեստական տպագրության Երրորդ միջազգային բիենալե, Երևան 2021»-ին կարող են մասնակցել գեղարվեստական տպագրության ավանդական տեխնիկաներով (փորագրանկար, օֆորտ, չոր ասեղ, ակվատինտ, մեցոտինտ, փափուկ լաք, փայտագրություն, լինոփորագրություն, վիմատպություն, օֆսեթ վիմատպություն, մետաքսագրություն, կոլլոգրաֆիա, մենատիպ և այլն) աշխատող արհեստավարժ նկարիչներ և կերպարվեստի բուհերի բարձր կուրսերի ուսանողներ:
Անվանի մասնագետներից կազմված միջազգային ժյուրին կընդունի «Գեղարվեստական տպագրության Երրորդ միջազգային բիենալե, Երևան 2021»-ի պայմաններին համապատասխանող հայտերը:
Բիենալեի պաշտոնական կայքում (www.yerevanprintbiennale.com) պետք է.
Հայտերն ընդունվում են 2020թ.-ի սեպտեմբերի 15-ից մինչև դեկտեմբերի 15-ը:
«Գեղարվեստական տպագրության Երրորդ միջազգային բիենալե, Երևան 2021»-ի կազմկոմիտեն իրավասու է օգտագործել ընտրված աշխատանքների թվային օրինակները ըստ հայեցողության, առանց նկարիչներին կանխավ այդ մասին իրազեկելու:
Յուրաքանչյուր դիմող կարող է ուղարկել 2018-2020թթ.-ի ընթացքում ստեղծված
Բիենալեի ընտրական առաջին փուլի արդյունքների մասին տեղեկությունները կհրապարակվեն 2021թ.-ի մարտի 1-ին:
Մրցութային փուլ անցած արվեստագետների ցուցակը կհրապարակվի «Գեղարվեստական տպագրության Երրորդ միջազգային բիենալե, Երևան 2021»-ի պաշտոնական կայքում:
«Գեղարվեստական տպագրության Երրորդ միջազգային բիենալե, Երևան 2021»-ի կազմկոմիտեի կողմից սահմանված են հետևյալ մրցանակները.
Որոշ աշխատանքներ կարժանան նաև պատվոգրերի:
Մրցանակները կհանձնվեն 2021թ-ին, «Գեղարվեստական տպագրության Երրորդ միջազգային բիենալե, Երևան 2021»-ի մրցանակաբաշխության հանդիսավոր արարողության ընթացքում:
Բացակա արվեստագետները կստանան իրենց մրցանակները փոստով:
Մրցանակակիր արվեստագետների աշխատանքները կհամալրեն «Գեղարվեստական տպագրության Երրորդ միջազգային բիենալե, Երևան 2021»-ի հավաքածուն:
«Գեղարվեստական տպագրության Երրորդ միջազգային բիենալե, Երևան 2021»-ի էլեկտրոնային պատկերագիրքը կհրապարակվի մինչև «Գեղարվեստական տպագրության Չորրորդ միջազգային բիենալե, Երևան 2023»-ը:
ՈՒՇԱԴՐՈՒԹՅՈՒՆ. Բիենալեի կազմակերպիչները իրավասու են մրցույթի ընդհանուր պայմաններում և ժամանակացույցում կատարել անհրաժեշտ փոփոխություններ: Փոփոխությունների մասին տեղեկատվությունը կհրապարակվի բիենալեի պաշտոնական կայքում:
29.07.2017
«Գեղարվեստական տպագրության Երրորդ միջազգային բիենալե, Երևան
2021»-ի կազմկոմիտե